Kryetari i Këshillit të Pavarur Mbikëqyrës për Shërbimin Civil të Kosovës, priti në takim Kryetarin e Komunës së Kamenicës.

Kryetari i Këshillit, z. Arben Mehmeti, së bashku me anëtarin e Këshillit z. Jeton Koca dhe Bashkëpunëtorin Profesional z. Flakron Gashi, pritën në takim Kryetarin e Komunës së Kamenicës, z. Kadri Rahimaj me bashkëpunëtorët e tij.

Në këtë takim u diskutua lidhur me sfidat e klasifikimit të vendeve të punës dhe organizimin e brendshëm të administratës lokale/komunale në fushën e Shërbimit Civil, ndërsa u rikonfirmua gatishmëria ndërinstitucionale për vazhdimin e bashkëpunimit të mëtutjeshëm në interes të zbatimit dhe forcimit të parimeve ligjore në Shërbimin Civil Kosovës.