Prishtinë, 17 shtator 2024 – Këshilli i Pavarur Mbikëqyrës për Shërbimin Civil të Kosovës (KPMSHCK), sot mbajti punëtorinë gjatë të cilës është bërë  hartimi dhe finalizimi i draft/ Rregullores  për mënyrën e ruajtjes dhe shfrytëzimit të materialit arkivor në këshill.  

Në këtë punëtori e cila është përkrahur nga Organizata për Siguri dhe Bashkëpunim në Evropë (OSBE), morën pjesë kryetari i Këshillit të Pavarur Mbikëqyrës për Shërbimin Civil të Kosovës Arben Mehmeti, anëtarët Ardita Haxhinikaj, Jeton Koca, sekretari i këshillit Bujar Sadiku si dhe përfaqësuesit dhe bashkëpunëtorët profesional të KPMSHCK-së.

Në hapjen e kësaj punëtorie  pjesëmarrësit i përshëndetën kryetari i Këshillit të Pavarur Mbikëqyrës për Shërbimin Civil të Kosovës Arben Mehmeti.

Më ketë rast kryetari Mehmeti duke falënderuar OSBE-në e cila edhe më tutje po vazhdon ta përkrah këshillin, vlerësoi se çdo përkrahje nga OSBE-ja është shumë e rëndësishme dhe e mirëseardhur.  

Mehmeti theksoj se këshilli është duke punuar shumë për të fuqizuar çdo rregullore apo akt normativ që ngrit cilësinë dhe imazhin e institucionit.

Ndryshe në Rregulloren për mënyrën e ruajtjes dhe shfrytëzimit të materialit arkivor, përcaktohet metodologjia e punës, procedurat dhe kushtet për pranimin, dorëzimin, ruajtja, klasifikimi dhe përpunimi i mëtejmë i dokumenteve të cilat  pranohen  në arkivin e Këshillit të Pavarur Mbikëqyrës për Shërbimin Civil të Kosovës.