Kryetari i Këshillit të Pavarur Mbikëqyrës për Shërbimin Civil të Kosovës z. Jeton Koca, ka pritur në takim një delegacion nga Zyra e BE-së në Kosovë, të udhëhequr nga znj. Mikaela Grӧnqvist – Udhëheqëse e ekipit për Administratë Publike dhe Menaxhim të Financave Publike.

Përfaqësuesit e Zyrës së BE-së në Kosovë u njoftuan nga z.Koca me mandatin, rolin, rëndësinë dhe sfidat e Këshillit në mbikëqyrjen e zbatimit të rregullave dhe parimeve që rregullojnë shërbimin civil në Republikën e Kosovës.

Me theks të veçantë në ketë takim u diskutua zbatimi i Ligjit për Zyrtaret Publikë, dhe nevoja për plotësimin dhe ndryshimin e tij sipas kërkesave të Aktgjykimit të Gjykatës Kushtetuese.

Në fund të këtij takimi të dy palët vlerësuan si të rëndësishme pjesëmarrjen e Këshillit në procesin e plotësimit dhe ndryshimit të Ligjit për Zyrtarët Publikë, dhe njëkohësisht shfaqen gatishmërinë që të intensifikohen takimet me qellim të bashkëpunimit në proceset me rendësi që lidhen me Reformën e Administratës Publike në Republikën e Kosovës.