Në kuadër të bashkëpunimit ndërinstitucional, kryetari i Këshillit, Jeton Koca, se bashku me anëtarët z. Arben Mehmeti dhe znj. Ardita Haxhnikaj-Demi, vizituan Komunën e Vushtrrisë, me ç’rast u priten në takim nga kryetari i Komunës z. Ferid Idrizi dhe nënkryetari z. Shpetim Zhegrova.

Zbatimi i legjislacionit për shërbimin civil në administratën komunale, me theks të veçantë sfidat në zbatimin e legjislacionit për rekrutimin e stafit profesional, ishin ndër temat bazë të diskutimit në këtë takim.

Palët e vlerësuan takimin mjaft të frytshëm dhe përmbajtjesor dhe u zotuan për vazhdimin e bashkëpunimit me qëllim të zbatimit të drejtë të legjislacionit për shërbimin civil dhe vendosjen e meritokracisë në proceset rekrutuese të stafit profesional.