Në kuadër të bashkëpunimit të ndërsjellët, kryetari i Këshillit të Pavarur Mbikëqyrës për Shërbimin Civil të Kosovës, z. Jeton Koca, ka pritur në takim, znj. Paulina Stanoeva, Menaxhere e Programit për Reformën e Administratës Publike pranë Zyrës së Bashkimit Evropian në Kosovë.

Në këtë takim u diskutua për rolin e Këshillit të Pavarur Mbikëqyrës në procesin e Reformës së Administratës Publike, si dhe sfidat lidhur me zbatimin e legjislacionit për Zyrtarët Publikë.

Theks i veçantë i’u kushtua çështjeve lidhur me digjitalizimin e proceseve dhe ngritjes së kapaciteteve administrative, me ç’rast znj. Stanoeva shprehu gatishmërinë e saj për mbështetje të mëtutjeshëm në arritjen e këtyre objektivave.